Stimadas abitantas e stimats abitants da Santa Maria V.M.
Charas abitantas e chars abitants da la Val Müstair
As algordais amo da las votaziuns pertoccant il sviamaint da St. Maria V.M. dals ons 1997 e 2013. 23 ons sun passats, e nüglia nun es amo gnü realisà. Amo adüna patischa la populaziun da Sta. Maria V.M. suot il trafic immens, sias emissiuns incl. l’exposiziun a la canera chi ha surpassà las masüras supportablas e las limitas tenor ledscha già dalönch.
Nus vulain cha’l proget sviamaint Santa Maria, chi’d es gnü acceptà illas votaziuns dal pövel dal 1997 e dal 2013, gnia realisà il plü svelt pussibel. Perquai laschaina elavurar ün’expertisa per quist utuon tard. Nus vain chattà perquai a la facultà da giurisprudenza da l’università da Turich la persuna adattada chi s’ha declerada pronta da s’ingaschar per la Val Müstair. Cun quista expertisa saraja pussibel da sclerir cha tuot ils mecanissems per impedir pon gnir frenats.
Cun Vossa donaziun güdais a cuvernar ils cuosts da quist’expertisa ourdvart necessaria. Nus eschan persvas, cha cun l’agüd da l’expertisa possa gnir cumanzà prosmamaing cul proget da construcziun sviamaint süd. Nus sperain da pudair quintar cun vos agüd.
Per la finanziaziun vaina drivi ün conto da donaziuns cul nomer da conto CH49 8080 8004 6984 0781 6 Projekt Umfahrung Santa Maria Crowdfunding, Banca Raiffeisen Engiadina Val Müstair. Apaina cha l’expertisa es elavurada vain ella publichada sün quista pagina-web.
Grazia fichun per vossa donaziun.
Jörg Conrad e Jürg Davatz
Crowdfunding sviamaint deutsch/rumantsch
Protokolle:
Protokoll_Gemeindeversammlung_Sta.Maria 22.08.1997_Deutsch
Protokoll Gemeindeversammlung Sta.Maria 22.08.1997_Romanisch
Protokoll Gemeindeversammlung Val Müstair 04.10.2013_Deutsch
Protokoll Gemeindeversammlung Val Müstair 04.10.2013_Romanisch