In basa al chapitel 5.1.2 dal plan directiv chantunal sco eir in applicaziun da l’artichel 4, lit. 1 da la ledscha davart la planisaziun dal territori per il chantun Grischun (LPT- GR) vain manada tras l’exposiziun da cooperaziun publica dal concept da spazi re- giunal Engiadina Bassa/Val Müstair. Il concept da spazi regiunal muossa sü ils böts da svilup aspirats da la regiun a lunga vista sco eir ils accents principals dal svilup spazial e s-chaffischa la basa per la sur elavuraziun da la planisaziun regiunala.
Actas d’exposiziun: Concept da spazi Engiadina Bassa/Val Müstair Termin d’exposiziun: 3 december 2020 fin 13 schner 2021 (45 dis)
Invista illas actas po gnir tut sülla pagina d’internet http://www.regiunebvm.ch sco eir sül post d’administraziun da la regiun (davo cunvegna telefonica dürant las uras da büro, 081 861 00 00).
Objecziuns ed animaziuns da la populaziun o d’oters ravuogls interessats pon gnir tramiss fin il plü tard ils 13 schner 2021 per mail ad info@ebvm.ch o per posta a la Regiun Engiadina Bassa/Val Müstair, Chasa du Parc, CH-7550 Scuol.
Scuol, als 3 december 2020