Che dischan abitantas ed abitants da Sta. Maria dal trafic tras cumün? Ün di i’ls contuorns dal lö il plü stret da la via chantunala a Sta. Maria in Val Müstair.
Venderdi passà la daman i’l auto da posta da Zernez per Sta. Maria: Rivats in cumün daja pro l’Hotel Stelvio la prüma fermativa. Per cruschar cun ün camiun esa pac lö. Pac davo ün’ulteriura fermada: pro la garascha Umbrail lascha il schofför da l’auto da posta passar duos veiculs. Fin pro la fermativa ufficiala sper la posta d’immez cumün es la via libra. Our da fanestra as vezza adüna darcheu placats «Umfahrung – das Lösungswort». Eu sort da l’auto da posta per tuornar pro’l lö il plü stret d’immez Sta. Maria. Là sper la via chantunala as rechatta la falegnamaria da Hans Tinner.
https://www.engadinerpost.ch/2020/8/18/Aduena-da-verer-da-na-gnir-suot-las-roudas
