La Val Müstair survgnirà a Sta. Maria ün ulteriur center cultural. L’artist Jürg Davatz prevezza d’organisar qua da tuotta sorts arrandschamaints culturals, exposiziuns, prelecziuns e referats. Cun passar tras Sta. Maria, là ingio chi’d es il plü stret, as legia sülla fatschada d’üna chasa veglia «Fundaziun da Vaz». Da che sort fundaziun as tratta qua e chi es l’iniziant? La FMR s’ha indreschida e’s missa in colliaziun cul proprietari da la chasa, cun Jürg Davatz.